انسانی حقوق کی خلاف ورزی پر سعودی عرب پر انسانی حقوق کی تنظیم کی شدید تنقید
انسانی حقوق کی تنظیم نے سعودی عرب سے مطالبہ کیا ہے کہ وہ انسانی حقوق سے متعلق معاہدوں اور سمجھوتوں پر دستخط کرے۔
الجزیرہ ٹی وی کی رپورٹ کے مطابق انسانی حقوق کی تنظیم نے ایک رپورٹ میں اعلان کیا ہے کہ سعودی عرب نے انسانی حقوق کے طرفداروں کو گرفتار کر کے جیل میں بند کر رکھا ہے اور اسے چاہئے کہ انسانی حقوق کے ان حامیوں کو فوری طور پر رہا کرے۔
اس رپورٹ کے مطابق انسانی حقوق کی خلاف ورزی کی بنا پر سعودی عرب پر کی جانے والی تنقید کو ریاض کو سمجھنا چاہئے اور عالمی برادری کو چاہئے سعودی عرب میں انسانی حقوق کی خلاف ورزی روکنے کے لئے ریاض پر دباؤ ڈالے۔
اس رپورٹ میں یہ بھی کہا گیا ہے کہ سعودی عرب نے اپنے فوجی اتحاد کے ساتھ یمن میں انسانی حقوق کو پامال کیا ہے۔
انسانی حقوق کی تنظیم نے مخالف صحافی جمال خاشقجی کے قتل کی آزادانہ اور غیر جانبدارانہ تحقیقات کی ضرورت پر بھی تاکید کی۔
