نیپال میں اسکول بس کا حادثہ، درجنوں ہلاک و زخمی
Dec ۲۲, ۲۰۱۸ ۱۶:۰۰ Asia/Tehran
نیپال کے تلسی پور میں اساتذہ اور طلبہ کو نباتات کے افتتاح کے لئے لے جانے والی ایک بس کے کھائی میں گر جانے سے تئیس افراد ہلاک اور چودہ دیگر زخمی ہو گئے۔
نیپال پولیس کے حوالے سے موصولہ رپورٹ کے مطابق بس کے اس حادثے کے بعد امدادی ٹیم نے حادثے کی جگہ سے تئیس لاشیں برآمد کی ہیں جن میں انیس مردوں اور چار خواتین شامل ہیں۔
زخمیوں کا بانکے کے کوہالپور میڈیکل کالج میں علاج کیا جا رہا ہے جبکہ ایک زخمی کو علاج کے لئے راپتی زونل اسپتال بھیج دیا گیا۔
جمعہ کو بس رامری کے قریب تلسی پور سالیان روڈ کی طرف ایک موڑ پر بے قابو ہوکر سات سو میٹر گہری کھائی میں گر گئی۔
