برطانیہ میں مارشل لا لگنے کا خدشہ
Jan ۲۸, ۲۰۱۹ ۰۸:۱۴ Asia/Tehran
برطانیہ میں بریگزٹ معاملے پر بحران بدستور جاری ہے اور جمہوریت کے حوالے سے اس ملک میں کسی بھی وقت کچھ بھی ہو سکتا ہے۔
برطانوی میڈیا کے مطابق برطانوی حکومت اس بات کا جائزہ لے رہی ہے کہ بریگزٹ ڈیل نہ ہونے کا نتیجہ سول نافرمانی کی صورت میں نکلا تو شرپسندوں پر قابو پانے کے لیے اس کے پاس مارشل لا، کرفیو اور فوج کے استعمال سمیت کیا اختیارات ہیں۔ اس درمیان برطانوی وزیر صحت میٹ ہین کوک کا اس بارے میں کہنا ہے کہ حکومت کے پاس مارشل لا لگانے کا آپشن ہے مگر یہ آپشن استعمال نہیں کریں گے۔
برطانیہ یورپی یونین سے 29 مارچ کو الگ ہو رہا ہے تاہم الگ ہونے کا کوئی معاہدہ ابھی تک طے نہیں پا سکا جس کی وجہ سے یہ ملک سیاسی بحران سے دوچار ہوا ہے۔
