SAHAR

صیہونی حکومت کے وزیراعظم نتنیاہو نے کہا ہے کہ اسرائیل کسی بھی ایسے منصوبے یا امن سمجھوتے میں شامل نہیں ہوگا جس میں صیہونی بستیوں سے حتی ایک بھی فرد کو نکلنے کے لئے کہا جائے گا

فلسطین انفارمیشن سینٹر کی رپورٹ کے مطابق صیہونی حکومت کے وزیراعظم بنیامین نتنیاہو نے جمعرات کو اپنے ایک بیان میں کہا کہ اسرائیل  عالمی برادری کو اس بات پر راضی کرنے کی کوشش کررہا ہے کہ وہ اسرائیل کے غاصبانہ وجود کو تسلیم کرلے - نتنیاہو نے اس بات پر زور دیتے ہوئے کہ تل ابیب مقبوضہ فلسطینی علاقوں میں صیہونی بستیوں کی تعمیر جاری رکھے گا کہا کہ اسرائیل غرب اردن میں اپنا تسلط باقی رکھے گا -

واضح رہے کہ اسرائیلی حکومت صیہونی بستیاں تعمیر اور فلسطینیوں کے مکانات کو منہدم کرکے فلسطینی علاقوں میں آبادی کا تناسب اور جغرافیائی نقشہ تبدیل کرنے کی کوشش کررہی ہے -