SAHAR

 کراکاس میں دفاعی اور عسکری ذرائع نے بتایا ہے کہ امریکی طیاروں نے ایک بار پھر وینیزویلا کی فضائی حدود میں پروازیں کی ہیں اور واشنگٹن مسلسل ہماری فضائی حدود کی کھلی خلاف ورزی کر رہا ہے۔ 

پچھلے چند روز کے دوران امریکہ متعدد بار وینیزویلا کی فضائی حدود کی خلاف ورزی کر چکا ہے جسے وینیزویلا کی وزارت دفاع نے اپنی سلامتی کے لیے  ایک خطرہ قرار دیا ہے۔

امریکہ اور اس کے بعض اتحادی ملکوں نے تئیس جنوری کو ایک غیر قانونی اقدام کے تحت وینیزویلا کے حکومت مخالف رہنما خوان گوائیدو کو اس ملک کا صدر تسلیم اور عوام کے بھاری ووٹوں سے دوبارہ منتخب ہونے والے صدر نکولس مادورو کی حکومت کو غیر  قانونی قرار دیا تھا۔ 

امریکہ اس وقت سے اب تک وینیزویلا کی سامراج مخالف حکومت کو گرانے کے لیے سازشوں میں مصروف ہے لیکن اس کی کوئی بھی کوشش کامیاب نہیں ہو سکی ہے۔