SAHAR

ٹرمپ نے اپنے ایک ٹوئٹ میں کہا ہے کہ لگتا ہے کہ ڈیموکریٹ والے مولر کمیشن کے خوفناک ڈرامہ کے صدمے سے باہر آگئے ہیں اور انہوں نے ایک بار پھر میرے مواخذے کا معاملہ اٹھانا شروع کر دیا ہے۔
امریکی صدر کا کہنا تھا کہ ڈیموکریٹ کا یہ اقدام بہت بڑی غلطی ہے لیکن مجھے معلوم ہے کہ وہ یہ غلطی ضرور کریں گے۔
انہوں نے کہا کہ ڈیموکریٹ پارٹی ناکارہ لوگوں کی پارٹی میں تبدیل ہوگئی ہے جنہیں کچھ بھی نہیں آتا۔
قابل ذکر ہے کہ امریکی کانگریس کے چار ارکان نے رابرٹ مولر کمیشن کی رپورٹ کی بنیاد پر ایک بار پھر صدر ڈونلڈ ٹرمپ کے مواخذے کی تحریک ایوان میں پیش کر دی ہے۔
رابرٹ مولر نے، سن دو ہزار سولہ کے انتخابات میں روس کی مبینہ مداخلت کے بارے میں تحقیقاتی رپورٹ ایوان نمائندگان کی انٹیلی جینس کمیٹی کے سامنے پیش کرتے ہوئے کہا ہے کہ صدر ٹرمپ کی مدت صدارت کے خاتمے پر ان کے خلاف فرد جرم عائد کیے جانے کا امکان موجود ہے۔