SAHAR

روس کے صدر پوتین نے دمشق میں شام کے صدر بشار اسد سے ملاقات میں کہا ہے شام کے اقتدار اور اس کی ارضی سالمیت کے تحفط کے لئے بہت ہی بلند قدم اٹھائے گئے ہیں

روس کے صدر ولادیمیرپوتن منگل کو اچانک دمشق پہنچے اور صدر بشار اسد سے ملاقات کی ۔ انہوں نے اس ملاقات میں کہا کہ ہم اس وقت شام میں حالات کے معمول پر آنے کا مشاہدہ کرسکتے ہیں -

شام کے صدر بشار اسد نے بھی دہشت گردی کے خلاف جنگ میں شام کی حکومت اور عوام کی حمایت کرنے پر روس کا شکریہ ادا کرتے ہوئے ملک کی تازہ ترین صورتحال سے روسی صدر کو آگاہ کیا -

اس ملاقات کے دوران شام میں روسی فوج کی کمان کے سربراہ نے جنگی صورتحال کے بارے میں رپورٹ شام اور روس کے صدور کو پیش کی - روس کے صدر نے شام کے بعض علاقوں کا بھی دورہ کیا -