SAHAR

آسٹریلیا نے ٹینس اسٹار نوواک جوکووچ کا ویزہ منسوخ کرکے ملک سے نکال دیا ہے۔

رپورٹوں کے مطابق آسٹریلیا نے یہ انتہائی قدم اس لئے اٹھایا ہے کہ عالمی شہرت یافتہ ٹینس کھلاڑی جوکووچ نے خصوصی استثنا پر کورونا ویکسین کے بغیر ہی آسٹریلیا میں داخل ہونے کی کوشش کی تھی۔

بتایا گیا ہے کہ آسٹریلوی حکام نے نوواک جوکووچ کا ویزہ منسوخ کرکے، انہیں ملک سے باہر نکالنے کے لئے ہوائی اڈے سے ہوٹل منتقل کر دیا ہے۔

آسٹریلوی وزیر اعظم نے اس سلسلے میں کہا ہے کہ قانون، قانون ہے اور وہ سب کے لیے ایک ہی ہوگا۔ انہوں نے دعویٰ کیا کہ آسٹریلوی سرحدی قوانین کے باعث ان کے ملک میں کورونا سے اموات کی شرح دنیا میں سب سے کم ہے۔