SAHAR

اسرائیلی ذرائع نے تل ابیب کے قریب واقع ایک اہم فوجی چھاونی میں بڑے پیمانے پر آگ لگنے کے واقعے کا اعتراف کیا ہے۔

ایران پریس کی رپورٹ کے مطابق اسرائیلی اخبار معاریب کا کہنا ہے کہ مرکزی تل ابیب میں واقع فوج کے انتہائی حساس اور اہم تربیتی مرکز میٹکن ایڈم میں بڑے پیمانے پر آگ لگی ہے۔ گزشتہ شب لگنے والی آگ کے بعد دھوئیں کے گہرے بادل تا دیر شہر کے آسمان پر اٹھتے دکھائی دیے۔ رپورٹ کے مطابق آگ پر قابو پالیا گیا ہے ۔

صیہونی حکام اس آتشزدگی  کی وجوہات کے بارے میں کچھ بتانے سے گریز کر رہے ہیں ۔ بعض خبروں میں کہا گیا ہے کہ اس اہم فوجی مرکز میں جان بوجھ کر آگ لگائے جانے کے امکان کو مسترد نہیں کیا جاسکتا ۔ اسرائیلی حکام آتشزدگی کے نتیجے میں ہونے والے جانی یا مالی نقصان کے بارے میں بھی کچھ بتانے سے بھی گریز کر رہے ہیں۔