SAHAR

ذاکر حسین صاحب کا تعلق دہلی سے ہے۔

ذاکر حسین صاحب لکھتے ہیں کہ میں آپ کا پرانا سامع ہوں لیکن خط بہت ہی کم لکھتا ہوں، آپ کو ہی نہیں بلکہ کسی کو بھی خط بہت کم لکھتا ہوں۔ آپ کو بھی اب سے پہلے شاید ایک آدھ بار ہی خط لکھا ہے۔ خیر، ریڈیو تہران کے ذریعہ عید نوروز کی یاد آئی تو آپ کو مبارک باد کا خط لکھنے بیٹھ گيا۔ عید نوروز سب سامعین کو مبارک ہو، ریڈیو تہران کے پورے اسٹاف کو عید نوروز مبارک ہو اور میری دعا ہے کہ نیا شمسی سال سبھی کے لئے مبارک ہو۔ نیاسال سب کے لئے ڈھیر ساری خوشیوں کا باعث بنے، سب کے لئے خوشیاں لے کر آئے۔ نئے سال میں ہر جگہ امن ہی امن ہو اور جنگ کی بات بالکل نہ ہو اور جہاں جہاں بھی جنگ ہے وہاں بھی امن قائم ہوجائے اور دہشت گردوں کو شکست ہو۔ بڑی طاقتیں انسان کو انسان سے لڑاتی ہیں، مذہبی اور فرقہ وارانہ اختلافات کے بیج بوتی رہتی ہیں۔ انسان کو انسان سے لڑانے والے اپنی یا تو اپنی اصلاح کرلیں یا پھر نابود ہوجائيں۔