SAHAR

یہ خط ارسال کیا ہے ہندوستان کے زیر انتظام کشمیر کے مرکز سری نگر سے ضیاء االرحمن سیفی صاحب نے لکھتے ہیں

ریڈیو تہران کی نشریات انٹرنیٹ کے ذریعے سنی جارہی ہیں وہ بھی جب انٹر نیٹ کی سہولت دستیاب ہو ویسے معمول کے ایام میں انٹرنیٹ بحال رہتا ہے لیکن جب سری نگر کے حالات کشیدہ ہوجاتے ہیں تو عارضی طور پر انٹرنیٹ سروس بند کردی جاتی ہیں بہرحال یہ تمام کام حکومت اپنی سیکیورٹی کے لئے کرنے کا دعوی کرتی ہے لیکن عوام کے جذبات کو کوئی نہیں روک سکتا ۔ ریڈیو تہران سے سری نگر کی رپورٹیں بھی برادر سبط محمد حسن ارسال کرتے ہیں ان سے بھی ریڈیو تہران کے بارے میں گفتگو ہوتی رہتی ہے۔ ریڈیو تہران کی نشریات مجھے بہت پسند ہیں علاقائی حالات سے آشنائی کے علاوہ ایران کی ترقی و پیشرفت کے حوالے سے آگاہی حاصل ہوتی ہے فلسطین میں الجزیرہ کی رپورٹر شیریں ابو عاقلہ کی شہادت نے دل کو غمزدہ کیا اس واقعہ کے بعد غاصب اسرائیل کے فوجیوں نے ایک اور خاتون رپورٹر کو شہید کیا، ہمیں فلسطین کے بارے میں ریڈیو تہران سے مکمل اور حقیقت پر مبنی خبریں سننے کو ملتی ہیں۔