SAHAR

ہندوستان میں متعین غیر ملکی سفرا نے نئی دہلی کی فضائی آلودگی اور صورت حال ابتر ہونے پر تشویش کا اظہار کرتے ہوئے اس خطرناک صورت حال کو کنٹرول کرنے کے لئے حکومت کی جانب موثر اقدام عمل میں لائے جانے کا مطالبہ کیا۔

ہندوستان کے بعض اخبارات کے مطابق نئی دہلی میں متعین سفارتی وفد کے سربراہ نے اس ملک کی وزارت خارجہ کے حکام سے ملاقات میں مطالبہ کیا ہے کہ نئی دہلی کی حکومت کو دو کروڑ بیس لاکھ کی آبادی کی صحت و سلامتی کے لئے فضائی آلودگی کو کنٹرول کرنے کے لئے کوئی اہم قدم اٹھانا چاہئے۔
نئی دہلی میں فضائی آلودگی کی بنا پر گذشتہ ہفتے تمام اسکول و مدارس تین روز کے لئے بند کر دیئے گئے تھے۔
البتہ ہندوستان کے ذرائع ابلاغ کی تازہ رپورٹ یہ ہے کہ نئی دہلی میں کہرا چھا جانے کے نتیجے میں فضائی آلودگی میں کمی آئی ہے اور صورت حال کنٹرول میں آتی جا رہی ہے۔