SAHAR

تل ابیب میں صیہونی حکومت کی جنگی کونسل کے اجلاس کے انعقاد کے موقع پر صیہونی آبادکاروں اور قیدیوں کے اہل خانہ نے زبردست مظاہرہ کیا ہے۔

سحر نیوز/ عالم اسلام: اسرائیلی قیدیوں اور آباد کاروں کے اہل خانہ نے جمعرات کی شب ایک بار پھر تل ابیب کے مرکز میں واقع کریاہ علاقے میں کہ جہاں سیاسی ادارے اور صیہونی حکومت کی فوجی کمان کا ہیڈ کوارٹر واقع ہے، مظاہرہ کیا ہے۔

گذشتہ سال سات اکتوبر سے طوفان الاقصی آپریشن کے آغاز سے اب تک متعدد بار ، حماس کے ہاتھوں قیدی بنائے گئے صیہونیوں کی رہائی کےلئے ان کے اہل خانہ اور اسی طرح صیہونی حکومت کے سیاسی اور سیکورٹی حلقوں نے فلسطینی مزاحمت کی کارروائیوں کے مقابلے میں غاصب حکومت کی ناکامی کا ذمہ دار بنیامین نیتن یاہو اور اس کی جنگی کابنیہ کو قرار دیا ہے اور اس پر بارہا تنقید بھی کی ہے۔