SAHAR

ہندوستان کے زیر انتظام کشمیر کی سابق وزیر اعلا محبوبہ مفتی نے کہا ہے کہ انہیں گزشتہ پندرہ دن میں تین بار خانہ قید کیا گیا۔

ہندوستان کے زیر انتظام کشمیر کی ہند نواز جماعت پیپلز ڈیموکریٹک کی سربراہ اور سابق وزیر اعلا محبوبہ مفتی نے بدھ کو ایک ٹوئٹ میں کہا ہے کہ انہیں آج بھی غیر قانونی طور پر نظر بند رکھا گیا۔ ان کا کہنا ہے کہ گزشتہ پندرہ دن میں انہیں تین بار نظربندی کا سامنا کرنا پڑا ہے۔
محبوبہ مفتی کے مطابق انہیں منگل کو بھی نظر بند رکھا گیا۔ ان کا کہنا ہے کہ پچیس نومبر کو بھی انہیں ان کی رہائشگاہ سے باہر نکلنے کی اجازت نہیں دی گئی۔ جموں و کشمیر کی پولیس نے ان کی نظربندی کے دعوے کی تردید کی ہے۔