SAHAR

بحرین میں آل خلیفہ حکومت کی جیلوں میں بھوک ہڑتال کرنے والے بعض قیدیوں کی جسمانی حالت تشویشناک حدتک خراب ہوگئی ہے۔

المنار ٹیلی ویژن چینل نے خبردی ہے کہ بحرین کی الجو جیل میں سیاسی قیدی دس ستمبر سے جیل کی ابتر صورتحال اور اپنے حقوق سے محرومی کے خلاف احتجاج کرتے ہوئے بھوک ہڑتال پر ہیں۔
واضح رہے کہ آل خلیفہ حکومت کے سیکورٹی کارندوں نے منامہ کی الجو جیل میں بہت سے سیاسی قیدیوں کو بری طرح زد و کوب کیا ہے۔
بحرینی حکومت نے گذشتہ چھے برس کے دوران گیارہ ہزار سے زیادہ بحرینی شہریوں کو بے بنیاد الزامات کے تحت گرفتار کیا ہے۔
بحرین کا شمار بھی ان ملکوں میں ہوتاہے جہاں آبادی کے تناسب سے قیدیوں کی تعداد بہت زیادہ ہے۔
اس وقت کئی ہزار بحرینی شہری سیاسی وجوہات کی بنا پر جیلوں میں بند ہیں۔