Mar ۱۸, ۲۰۲۰ ۱۶:۲۲ Asia/Tehran
  • شامی فوج ادلب میں دوبارہ کارروائی کے لئے تیار

شام کی حکومت نے کہا ہے کہ فوج صوبہ ادلب میں دہشت گردوں کے خلاف دوبارہ آپریشن کرنے کے لئے وہ پوری طرح تیار ہے۔

شام کے صوبہ ادلب کے نائب گورنر نے صوبے میں دہشت گردوں کے خلاف دوبارہ آپریشن کے لئے شامی فوج کی آمادگی کا اعلان کیا ہے۔ انہوں نے کہا ہے کہ لاذقیہ اور حلب شاہراہ شامی فوج کی کارروائی اور روسی فوج کی حمایت سے کھول دی جائے گی-

صوبہ ادلب کے نائب گورنر محمد فادی السعدون نے اپنے ایک بیان میں کہا ہے ایسی ٹھوس اطلاعات موجود ہیں کہ دہشت گرد گروہ بالخصوص جبہت النصرہ نے علاقے کے باشندوں کو اس بات پر مجبور کیا ہے کہ وہ حلب اور لاذقیہ شاہراہ کو کھولنے نہ دیں -

انہوں نے کہا روس نے ترکی کو موقع دیا تھا کہ وہ پندرہ مارچ تک اس قومی شاہراہ کو خالی کرا دے اور اگر انقرہ ایسا نہ کرسکا تو فوجی کارروائیوں کے ذریعے یہ شاہراہ کھلوائی جائے گی -

ٹیگس