ماہ رمضان ختم ہوا،مگر یمن پر سعودی حملے نہ تھمے
May ۲۳, ۲۰۲۰ ۱۸:۵۶ Asia/Tehran
جارح سعودی عرب کے جنگی طیاروں نے اپنے ہی اعلان کردہ جنگ بندی کی خلاف ورزی جاری رکھتے ہوئے یمن کے دو صوبوں پر بمباری کی ہے۔
المسیرہ ٹی وی کی رپورٹ کے مطابق جارح سعودی عرب کے جنگی طیاروں نے صوبہ صعدہ اور حجہ کے رہائشی علاقوں پر بمباری کی ہے۔ ابھی تک ان حملوں میں ہونے والے نقصانات کی تفصیلات سامنے نہیں آئی ہیں۔
جارح سعودی اتحاد نے نو اپریل کو یمن میں یکطرفہ جنگ بندی کا اعلان کیا تھا اور دعوی کیا تھا کہ کورونا کی روک تھام میں مدد کے لئے یمن کے خلاف تمام فضائی، بری اور بحری حملے بند کئے جاتے ہیں اور اگر فریق مقابل اس کا خیرمقدم کرے گا تو جنگ بندی کی مدت میں توسیع بھی کی جا سکتی ہے، لیکن اس جنگ بندی کے ڈرامے کے فورا بعد سے ہی جارح سعودی اتحاد نے اپنی یک طرفہ جنگ بندی کو پامال کرنا شروع کر دیا۔
