ایران: تیل کی پیداوار میں اضافہ
Apr ۰۵, ۲۰۱۶ ۲۱:۳۲ Asia/Tehran
ایران کے وزیر پٹرولیم بیژن نامدار زنگنے نے ملکی تیل کی پیداوار میں عنقریب اضافے کا اعلان کیا ہے۔
اسلامی جمہوریہ ایران کے وزیر پٹرولیم بیژن نامدار زنگنے نے منگل کو اپنے بیان میں کہا ہے کہ ایران اپنی تیل کی پیداوار میں اضافہ کر رہا ہے اور رواں سال کے اختتام تک ایران میں خام تیل کی پیداوار چار ملین بیرل یومیہ تک پہنچ جائے گی۔
ایران کے وزیر پٹرولیم کا کہنا تھا کہ اس وقت ایران کے خام تیل کی پیداوار دو ملین بیرل یومیہ ہے۔
انہوں نے کہا کہ ایران میں گیس کی پیداوار میں بھی اضافہ کیا جائے گا اور رواں سال کے دوران ساؤتھ پارس گیس فیلڈ میں چھے نئے فیز اپنا کام شروع کر دیں گے۔
ایران کے وزیر پٹرولیم کا کہنا تھا کہ رواں سال کے دوران ملک کے اندر پیٹروکیمیکل کے بعض بڑے کارخانے اپنی پیداوار شروع کر دیں گے۔
