فرزند رسول حضرت امام حسن عسکریؑ کی زیارت - آڈیو
آج سات ربیع الثانی 1439 ہجری قمری ہے۔ آج سے بارہ سو سات سال قبل آٹھ یا روایت کے مطابق دس ربیع الثانی دو سو بتیس ہجری قمری کو فرزند رسول امام حسن عسکری علیہ السلام کی مدینہ منورہ میں ولادت با سعادت ہوئی۔
حضرت امام حسن عسکری علیہ السلام کی زندگی پر طائرانہ نظر
آپ نے انتہائی سخت حالات میں دین الہی اور احکام اسلامی کو لوگوں تک پہنچایا اور دین کی راہ میں پیدا کئے جانے والے شبہات کو برطرف کیا-
آپ نے لوگوں کو حضرت امام مہدی (عجل) کی غیبت کے دور میں اسلام پر باقی رہنے کے طریقے بیان کرتے ہوئے زمانہ غیبت کے لئے لوگوں کے ذہنوں کو بھی پوری طرح آمادہ کیا-
حضرت امام حسن عسکری علیہ السلام کو بچپن میں ہی عباسی حکمرانوں کے دباؤ اور ظلم و جبر کی وجہ سے اپنے والد بزرگوار امام علی نقی علیہ السلام کے ساتھ عراق کے شہر سامرا ہجرت کرنا پڑی اور اس شہر میں تیرہ سال قیام کے دوران آپ نے اپنے والد بزرگوار سے کسب فیض کیا۔
آپ نے اپنے والد بزرگوار کی شہادت کے بعد مسلمانوں کی ہدایت و امامت کی ذمہ داری سنبھالی۔
حضرت امام حسن عسکری کا دور عباسی حکمرانوں کی سیاسی و فوجی طاقت کے عروج کا دور تھا۔ حضرت امام حسن عسکری علیہ السلام کی عمر مبارک صرف اٹھائیس سال تھی جن میں سے کئی سال آپ نے جلاوطنی اورعباسی حکمرانوں کے قید خانے میں گزارے لیکن اس کے باوجود آپ نے اسلامی تعلیمات کو عام کرنے اور مسلمانوں کی ہدایت و رہنمائی کا کام بطریق احسن انجام دیا اور بہت سے مسلمان دانشوروں کی تربیت کی۔
حدیث امام حسن عسکری علیہ السلام
"جو شخص اپنے بھائی کو خاموشی کے ساتھ نصیحت کرے تو گویا اس نے اسے آراستہ کیا اور جس
نے دوسروں کے سامنے اس کو نصیحت کی گویا اس نے اسے بدشکل بنادیا"
گناہ کو ترک کرنا سب سے بڑا جہاد تمام لوگوں میں مجاہد ترین شخص وہ ہے جو گناہ کو ترک کر دے" ۔" امام حسن عسکری علیہ السلام
بحار الانوار، جلد78، صفحہ 373۔
اسلامی جمہوریہ ایران کا ریڈیو اور ٹیلی ویژن کا ادارہ اس مبارک موقع پر اپنے تمام ناظرین، سامعین اور قارئین کو ہدیہ تبریک و تہنیت پیش کرتا ہے-
