SAHAR

ہندوستانی وزیر اعظم اس ملک کے زیر انتظام کشمیر کے دارالحکومت سری نگر پہنچے جہاں ان کی آمد کے خلاف آج حریت رہنماؤں نے ملین مارچ کا اعلان کیا ہے-

موصولہ خبروں کے مطابق ہندوستانی وزیر اعظم نریندر مودی کی سرینگر آمد پر اس شہر اور دیگر شہروں میں موبائل فون سروسز اور انٹرنیٹ بند کریئے گئے جبکہ بڑی تعداد میں کشمیری نوجوانوں کو گرفتار کرلیا گیا اور سید علی گیلانی سمیت دیگر حریت رہنماوں کو نظر بند کردیا گیا-

ہندوستان کے زیر انتظام کشمیر میں فوج نے سخت حفاظتی انتظامات کئے اور ٹائر جلا کر خار دار تاروں سے شہر کی مختلف سڑکیں بلاک کردیں۔ ذرائع کے مطابق بڑی تعداد میں حریت رہنماؤں اور کارکنوں کو گرفتار کیا گیا ہے-

حریت رہنما سیدعلی گیلانی نے اس عزم کا اظہار کیا ہے کہ باجود پابندی اور کرفیو کے وزیر اعظم مودی کے خلاف ان کا ملین مارچ ہر حالت میں ہوگا اور پورا کشمیر سراپا احتجاج بن جائے گا۔