SAHAR

ہندوستان کے وزیراعظم نریندرمودی نے پاکستان کے وزیراعظم نوازشریف کی صحت یابی اور کامیاب اوپن ہارٹ سرجری کے لئے نیک خواہشات کا اظہار کیا ہے

ہندوستان کے وزیراعظم نریندرمودی نے اپنے ٹوئٹرپیج پر لکھا کہ میں پاکستان کے وزیراعظم نوازشریف کی کامیاب اوپن ہارٹ سرجری کے لئے دعاگو ہوں اور جلد سے جلد ان کی صحت یابی کے لئے نیک خواہشات کا اظہار کرتا ہوں -

قبل ازیں ہندوستان کے وزیراعظم نریندرمودی نے امریکی اخبار وال اسٹریٹ جرنل کو بھی ایک انٹرویو میں ہندوستان اور پاکستان کے تعلقات کےحوالے سے کہا تھا کہ امن کا راستہ ایک دوطرفہ عمل ہے -

ہندوستانی وزیراعظم نے کہا تھا کہ پاکستان میں بڑھتی ہوئی دہشت گردی دونوں ملکوں میں قیام امن اور بہتر تعلقات کی برقراری کی راہ میں رکاوٹ بنی ہوئی ہے - نریندرمودی نے اس انٹرویو میں کہا کہ پڑوسی ملک پاکستان سے بہتر تعلقات قائم کرنا میرا خواب ہے اور اس خواب کی تعبیر پانے کے لئے لاہور کا دورہ کیا تھا-

ان کا کہنا تھا کہ ہماری حکومت کا ایجنڈا پڑوسی ملک سے بہترتعلقات برقرار کرنا اور اس کی ترقی و خوشحالی میں کردار ادا کرنا ہے -

پاکستان کے وزیراعظم نوازشریف کی منگل کو لندن میں اوپن ہارٹ سرجری ہوگی -