ہندوستان: اترپردیش میں ایک بجلی گھر میں دھماکہ، متعدد ہلاک و زخمی
Nov ۰۱, ۲۰۱۷ ۱۹:۴۷ Asia/Tehran
ہندوستان کی ریاست اترپردیش میں ایک بجلی گھر میں ہونے والے دھماکے میں پندرہ افراد ہلاک اور تقریبا سو دیگر زخمی ہو گئے۔
ہندوستان کے این ڈی ٹی وی کی رپورٹ کے مطابق یہ دھماکہ ریاست اترپردیش کے شہر رائے بریلی میں ایک بجلی گھر کے بوآئلر میں ہوا جس میں پندرہ افراد ہلاک اور تقریبا سو دیگر زخمی ہو گئے۔
زخمیوں میں بعض کی حالت نازک بتائی جاتی ہے۔
کہا جاتا ہے کہ اس بجلی گھر میں کافی افراد موجود تھے جس کی بنا پر ہلاک ہونے والوں کی تعداد میں مزید اضافہ ہوسکتا ہے۔
اس سے قبل ریاست راجستھان کے دارالحکومت جے پور کے ایک قصبے میں شادی کی تقریب میں، شارٹ سرکٹ کے نتیجے میں ہونے والے دھماکے میں چودہ افراد ہلاک اور سترہ دیگر زخمی ہو گئے تھے۔
