راہل گاندھی نے دہلی میں فسادات سے متاثرہ علاقوں کا دورہ کیا
ہندوستان میں حزب اختلاف کی بڑی جماعت کانگریس کے مرکزی لیڈر راہل گاندھی نے پارٹی کے دیگر رہنماؤں کے ہمراہ کے دہلی کے شمال مشرق میں فسادات سے متاثرہ علاقوں کا دورہ کیا۔
راہل گاندھی کے ہمراہ کانگریس کے کئی دیگر سینیئر رہنما اور اراکین اسمبلی نے بھی فسادات سے متاثرہ علاقوں میں گئے اور قریب سے صورتحال کا جائزہ لیا-
اس موقع پر راہل گاندھی نے میڈیا سےگفتگو کرتے ہوئے حالیہ فسادات کی مذمت کی اور کہا کہ جب ملک کے دارالحکومت میں فسادات ہوتے ہیں تو ہندوستان کے وقار اور ساکھ کو نقصان ہوتا ہے۔
انہوں نے فسادات کے دوران نذر آتش کر دئے جانے والے ایک اسکول کی طرف اشارہ کرتے ہوئے تھا کہا کہ دہلی کے فسادات میں ہندوستان کے بھائی چارے اور پیار و محبت کو جلایا گیا ہے۔ ان کا کہنا تھا کہ اس سے ہندوستان اور بھارت ماتا کو نقصان ہوا ہے۔
راہل گاندھی نے کہا کہ دہلی کے فسادات میں پوری دنیا میں ہندوستان کو جلایا گیا ہے -
