یوپی میں خواتین پر مظالم رکنے کا نام نہیں لے رہے: کانگریس
Sep ۱۵, ۲۰۲۲ ۰۹:۲۹ Asia/Tehran
کانگریس پارٹی نے یوپی کی بی جے پی حکومت کو خواتین پر مظالم روکنے میں ناکام قرار دیا ہے۔
ہندوستانی خبررساں ذرائع کے مطابق کانگریس پارٹی کی قومی جنرل سیکریٹری اور یوپی کی انچارج پرینکا گاندھی نے کہا ہے کہ ریاست اتر پردیش میں خواتین پر مظالم رکنے کا نام نہیں لے رہے ہیں۔
انہوں نے کہا کہ ریاست کی بی جے پی حکومت اس معاملے میں پوری طرح بے بس دکھائی دے رہی ہے۔ پرینکا گاندھی نے کہا کہ یوپی میں خواتین پر مظالم کے تعلق سے نیا معاملہ لکھیم پوری کھیری کا ہے جہاں ایک دلت خاندان کی دو بہنوں کو قتل کردیا گیا۔
انہوں نے قتل ہونے والی دونوں بہنوں کے لواحقین کے حوالے سے کہا کہ دونوں بہنوں کو دن دہاڑے اغوا کیا گیا اور پھر ان کی لاشیں ملیں۔
