ورلڈکپ فائنل میچ میں فلسطینی پرچم والی شرٹ پہنے شخص کی گراؤنڈ میں انٹری
Nov ۱۹, ۲۰۲۳ ۱۶:۰۸ Asia/Tehran
آسٹریلیا اور ہندوستان کے درمیان جاری ورلڈکپ کے فائنل میچ میں فلسطینی پرچم والی شرٹ پہنے ایک شخص نے گراؤنڈ میں انٹری دی اور ویرات کوہلی کو گلے لگا لیا۔
سحرنیوز/ہندوستان: آئی سی سی ورلڈکپ 2023ء کا فائنل میچ ہندوستان کے شہر احمدآباد کے نریندر مودی اسٹیڈیم میں کھیلا جا رہا ہے۔ اس میچ کو ایک موقع پر کچھ دیر کےلیے روکنا پڑا جب غزہ میں جاری اسرائیلی جارحیت کے خلاف فلسطینیوں کی حمایت کےلیے فلسطینی جھنڈے والی شرٹ پہنے ایک نوجوان کی گراؤنڈ میں انٹری ہوئی۔
یہ نوجوان نہ صرف گراؤنڈ میں داخل ہوا بلکہ اس نے گراؤنڈ میں ویرات کوہلی کے پاس جا کر اُنہیں گلے بھی لگایا۔
