کانگریس کا نریندر مودی کے اسرائیل دورے پر شدید ردعمل، فلسطینیوں کے حقوق پر خاموشی کا الزام

Feb ۲۴, ۲۰۲۶ ۱۵:۳۴ Asia/Tehran

ہندوستان میں کانگریس پارٹی نے وزیر اعظم نریندر مودی کے اسرائیل کے دورے پر سوال اٹھاتے ہوئے الزام لگایا کہ اس حکومت نے فلسطینیوں اور ان کے مفادات کو ترک کر دیا ہے۔

سحرنیوز/ہندوستان: ہندوستانی میڈیا کے مطابق کانگریس پارٹی کے جنرل سیکریٹری جے رام رمیش نے فلسطین کے تئیں ہندوستان کی دیرینہ پالیسی کا حوالہ دیتے ہوئے کہا ہے کہ ہندوستان فلسطینی ریاست کو تسلیم کرنے والے اولین ممالک میں سے ایک تھا۔

جے رام رمیش نے سوشل میڈیا پلیٹ فارم ایکس پر کہا کہ اسرائیل کے زیر قبضہ مغربی کنارے سے ہزاروں فلسطینیوں کی بے دخلی اور بے گھر ہونے کی کارروائی تیز ہو گئی ہے جس کی دنیا بھر میں مذمت کا سلسلہ جاری ہے۔ جنگ بندی معاہدے کی خلاف ورزی کرتے ہوئے غزہ میں شہریوں پر صیہونی حکومت کے وحشیانہ حملے جاری ہیں۔

ہمیں فالو کریں:

انہوں نے کہا کہ پھر بھی وزیراعظم نریندر مودی اپنے اچھے دوست نیتن یاہو کو گلے لگانے کے لئے اسرائیل کا دو روزہ دورہ کر رہے ہیں جن پر بدعنوانی کے سنگین الزامات عائد ہیں۔