SAHAR

تہران میں تحریک حماس کے نمائندے نے صیہونی حکومت کو عالمی دہشت گردی کی علامت قراردیا ہے

تہران میں فلسطین کی مزاحمتی تحریک حماس کے نمائندے خالد القدومی نے پیر کو دہشت گردی اور ٹارگٹ کلنگ کا نشانہ بننے والے سترہ ہزار ایرانی شہداء کی یاد میں منعقدہ دوسری بین الاقوامی کانفرنس کے موقع پر پریس ٹی وی کو انٹرویو دیتے ہوئے کہا کہ صیہونی حکومت عالمی دہشت گردی کی علامت ہے اور ٹارگٹ کلنگ اور مختلف قسم کے جرائم سے عالم اسلام کی سیکورٹی کو نشانہ بنائے ہوئے ہے-

 خالد قدومی نے مزید کہا کہ اسرائیل صرف فلسطین میں جرائم اور ٹارگٹ کلنگ پر اکتفا نہیں کر رہا ہے بلکہ اسلامی ممالک میں دانشوروں اور مزاحمتی رہنماؤں کو قتل کر کے صیہونزم کی مخالفت سے عاری مشرق وسطی کی تشکیل کی کوشش کررہا ہے-

تہران میں حماس کے نمائندے نے کہا کہ امت مسلمہ نے صیہونی حکومت کے مقابلے میں فلسطین اور ملت فلسطین کا دفاع اور حمایت کر کے درحقیقت اپنی سیکورٹی اور بنیاد کی حفاظت کی ہے-

 دہشت گردی اور ٹارگٹ کلنگ کا نشانہ بننے والے سترہ ہزار ایرانی شہداء کی یاد میں منعقدہ دوسری بین الاقوامی کانفرنس پیرکو تہران میں شروع ہوئی جس کا افتتاح صدر مملکت حسن روحانی نے کیا- اس کانفرنس میں دنیا کے مختلف ملکوں کے حکام شریک ہیں-