SAHAR

پرویز اسماعیلی کا کہنا تھا کہ ڈاکٹر حسن روحانی اس پانچ روزہ دورے میں اقوام متحدہ کی جنرل اسمبلی کے سربراہی اجلاس میں تقریر کرنے کے علاوہ پائیدار ترقی کے سربراہی اجلاس میں بھی تقریر کریں گے۔

پرویز اسماعیلی نے کہا کہ صدر مملکت ڈاکٹر حسن روحانی اپنے اس دورے میں اقوام متحدہ کے سیکریٹری جنرل بان کی مون اور اجلاس میں شریک دوسرے ممالک کے سربراہوں کے ساتھ بھی دو طرفہ ملاقاتیں کریں گے۔

پرویز اسماعیلی کا مزید کہنا تھا کہ صدر مملکت ڈاکٹر حسن روحانی اپنے دورہ نیویارک کے دوران دانشمندوں اور اقتصادی میدان میں سرگرم اہم افراد سے ملاقاتیں کریں گے اور وہ نیویارک میں تعینات بین الاقوامی ذرائع ابلاغ کے نمائندوں کے ساتھ پریس کانفرنس بھی کریں گے۔ صدارتی پریس آفس کے انچارج پرویز اسماعیلی کا مزید کہنا تھا کہ صدر مملکت ڈاکٹر حسن روحانی اٹھائیس نومبر کو ایران واپس لوٹ آئیں گے۔