SAHAR

ایران کے مغربی صوبے کرمانشاہ میں صوبائی عہدیداروں پر مسلح افراد نے قاتلانہ حملہ کیا ہے

صوبہ کرمانشاہ کے نائب پولیس سربراہ کرنل محمد رضا آموئی نے بتایا کہ اتوار کی سہ پہر صوبائی عہدیداروں کی ایک ٹیم ریجاب کے علاقے سے واپس کرمانشاہ شہر لوٹ رہی تھی کہ راستے میں ایک کار میں سوار چار مسلح افراد نے اس ٹیم پر فائرنگ کر دی - اس حملے میں صوبہ کرمانشاہ کے شہر دالاہو کی مقامی انتظامیہ کے سربراہ فرامرز اکبری کا ڈرائیور شہید اور خود فرامرز اکبری زخمی ہوگئے- مذکورہ پولیس افسر کا کہنا ہے کہ حملہ آوروں کے بارے میں ابھی معلوم نہیں ہوسکا ہے کہ وہ کون لوگ تھے اور ان کا کیا مقصد تھا - اس حملے میں ممبر پارلیمنٹ حشمت اللہ فلاحت پیشہ بھی بال بال بچ گئے - مقامی حکام کا کہنا ہے کہ حملہ آور حملہ کرنے کے بعد اپنی کار کو آگ لگاکر فرار ہوگئے-