SAHAR

اسلامی جمہوریہ ایران کے وزیر انصاف نے کہا ہے کہ ایران دہشت گردی کے خلاف جنگ میں پیشقدم ہے

ایران کے وزیر انصاف مصطفی پور محمدی نے اتوار کو ایران میں انڈونیشیا کے نئے سفیر علیم الدین سے ملاقات میں کہا کہ اسلامی جمہوریہ ایران نظریاتی اورعملی لحاظ سے دہشت گردی کے خلاف پوری سچائی سے جد وجہد کر رہا ہے اور آگے آگے ہے-

مصطفی پورمحمدی نے مزید کہا کہ انڈونیشیا، عالم اسلام میں خاص پوزیشن اور مقام کی بنا پر اسلامی جمہوریہ ایران کی نظر میں کافی اہمیت رکھتا ہے اور خوش قسمتی سے ماضی میں بھی دونوں ملکوں کے درمیان اچھے تعلقات رہے ہیں-

ایران کے وزیر انصاف نے پیچیدہ بین الاقوامی حالات ، علاقے میں رونما ہونے والے واقعات اور اسلام و مسلمین کے خلاف ہونے والے پروپیگنڈوں کے بارے میں کہا کہ پرتشدد دہشت گردانہ واقعات خود مغربی ممالک نے پیدا کئے ہیں اور انھوں نے اسلامی ممالک کو بدترین حالات سے دوچار کر دیا ہے-

مصطفی پور محمدی نے کہا کہ مغربی ممالک نے مسلمانوں کے خلاف نفسیاتی لحاظ سے نہایت تکلیف دہ ماحول پیدا کر دیا ہے اور اس بزدلانہ اقدام کے مقابلے میں مسلمانوں کی ذمہ داری ہے کہ ایک دوسرے کے ساتھ تعاون کریں اور اپنے ممالک ، تہذیب و ثقافت اور اسلام کا دفاع کریں-

اس موقع پرعلیم الدین نے کہا کہ تہران میں انڈونیشیا کے نئے سفیر کی حیثیت سے ایران اورانڈونیشیا کے اقتصادی تعلقات میں فروغ ان کی اولین ترجیح ہے-