SAHAR

اسلامی جمہوریہ ایران کے وزیر خارجہ نے بحرین کی موجودہ صورت حال پر تشویش کا اظہار کیا ہے

ایران کے وزیرخارجہ محمد جواد ظریف نے منگل کی رات ٹوئٹر پربحرین کے  بزرگ مذہبی پیشوا آیت اللہ عیسی قاسم کے گھرپرآل خلیفہ کے سیکورٹی اہلکاروں کی یلغار پر شدید ردعمل ظاہر کیا -

جواد ظریف نے تاکید کے ساتھ کہا ہے کہ علاقے میں ایک دوسرا المیہ رونما ہونے سے روکنے کے لئے بین الاقوامی برادری اور ممالک کا حرکت میں آنا ضروری ہے-

الحیدریہ کے علاقے میں دھرنے پر بیٹھے ہوئے لوگوں پرمنگل کی رات بحرینی سیکورٹی اہلکاروں کے حملے کے بعد ہزاروں بحرینی، سڑکوں پر نکل آئے اور الدراز کے علاقے میں آیت اللہ عیسی قاسم کے گھر کے سامنے جمع ہوکران کی حمایت میں نعرے لگانے لگے-

بعض ذرائع نے آیت اللہ عیسی قاسم کے گھر پر بھی سیکورٹی اہلکاروں کے حملے کی خبر دی ہے -

آیت اللہ عیسی قاسم بحرین کی انقلابی تحریک میں نمایاں کردار کے حامل ہیں اور اسی بنا پر آل خلیفہ حکومت نے ان کی شہریت سلب کرلی ہے-

بحرینی عوام ایک ماہ پہلے آیت اللہ عیسی قاسم کی شہریت سلب کئے جانے کے بعد سے ہی مسلسل ان کی شہریت سلب کئے جانے کے آل خلیفہ حکومت کے فیصلے کے خلاف احتجاج کر رہے ہیں-