علی اکبر صالحی کی برسلز میں موگرینی سے ملاقات
Sep ۱۵, ۲۰۱۶ ۱۲:۴۰ Asia/Tehran
-
ڈاکٹر علی اکبر صالحی کی فیڈریکا موگرینی سے ملاقات
اسلامی جمہوریہ ایران کے ایٹمی توانائی کے ادارے کے سربراہ ڈاکٹر علی اکبر صالحی نے برسلز میں یورپی یونین کی خارجہ پالیسی کی سربراہ فیڈریکا موگرینی سے ملاقات کی ہے۔
ہمارے نمائندے کی رپورٹ کے مطابق، ڈاکٹر علی اکبر صالحی نے فیڈریکا موگرینی سے ہونے والی اس ملاقات میں بینکنگ کے شعبے اور مالیاتی لین دین میں حائل مشکلات کے بارے میں تبادلہ خیال کیا کہ جو ایٹمی معاہدے کے بعد بھی بدستور موجود ہیں۔
ایران کے ایٹمی توانائی کے ادارے کے سربراہ نے بدھ کے روز یورپی یونین کے توانائی کے کمشنر اور بیلجیم کے وزیر خارجہ سے بھی ملاقات اور گفتگو کی تھی۔
علی اکبر صالحی نے یورپی یونین کے توانائی کے کمشنر اور بیلجیم کے حکام کی دعوت پر یورپی یونین کے ہیڈکوارٹر برسلز کا دورہ کیا ہے۔
