ایران اور زیمبابوے کے وزرائے خارجہ کی ملاقات
Aug ۰۴, ۲۰۱۷ ۲۱:۰۸ Asia/Tehran
اسلامی جمہوریہ ایران اور زیمبابوے کے وزرائے خارجہ نے اہم علاقائی اور عالمی مسائل کا جائزہ لینے کے ساتھ دونوں ملکوں کے مشترکہ کمیشن کے اجلاس پر بھی بات چیت کی
زیمبابوے کے وزیرخارجہ نے جو اپنے ملک کے صدر رابرٹ موگابہ کے ہمراہ ایران کے صدر حسن روحانی کی تقریب حلف برداری میں شرکت کے لئے تہران پہنچے ہیں جمعے کی شام ایران کے وزیرخارجہ محمد جواد ظریف سے ملاقات کی - اس ملاقات میں دوطرفہ تعلقات کی توسیع کے طریقوں اور علاقائی مسائل نیز مشترکہ کمیشن کے اجلاس کے بارے میں بات چیت ہوئی - دونوں ملکوں کے وزرائےخارجہ نے دہشت گردی کے خلاف جنگ کے موضوع پر بھی تبادلہ خیال کیا
