روہنگیا مسلمانوں کی صورتحال پر تشویش کا اظہار
Aug ۲۹, ۲۰۱۷ ۱۴:۱۹ Asia/Tehran
اسلامی جمہوریہ ایران نے میانمار کے روہنگیا مسلمانوں کے خلاف تشدد اور غیرانسانی برتاؤ پر سخت تشویش کا اظہار کیا ہے۔
وزارت خارجہ کےترجمان بہرام قاسمی نے اپنے ایک بیان میں روہنگیا مسلمانوں کی صورتحال پر تشویش کا اظہار کرتے ہوئے حکومت میانمار پر زور دیا ہے کہ وہ ملک کی مسلم آبادی کے حقوق کی مسلسل خلاف ورزی کا سلسلہ بند کرائے۔انہوں نے کہا کہ ایران کی حکومت کو میانمار میں مسلمانوں کے حقوق نظر انداز کیے جانے پر گہری تشویش ہے اور ہم اس صورتحال پر اپنی سخت نارضگی کا اظہار کرتے ہیں۔ایران کی وزارت خارجہ کے ترجمان نے حکومت میانمار پر زور دیا کہ وہ روہنگیا مسلمانوں کے حوالے سے حقیقت پسندانہ پالیسیاں اپنائے اور ملک میں امن اور بھائی چارے کے قیام کے لیے لازمی اقدامات انجام دے -
