SAHAR

صدر مملکت ڈاکٹر حسن روحانی نے مغربی ایران میں آنے والے شدید زلزلے سے متاثر ہونے والے لوگوں سے ہمدردی کا اظہار کرتے ہوئے کہا ہے کہ ان کی حکومت زلزلہ متاثرین کو تمام تر امداد اور سہولتیں فراہم کرے گی۔

 ایوان صدارت سے جاری ہونے والے اپنے ایک پیغام میں صدر مملکت ڈاکٹر حسن روحانی نے قریب کے صوبے اور شہروں کے اعلی عہدیداروں کو حکم دیا ہے کہ وہ متاثرہ علاقوں میں امدادی کاموں میں بھرپور طریقے سے حصہ لیں اور متاثرین کو ہرممکن سہولتیں فراہم کریں۔
 ڈاکٹر حسن روحانی نے زلزلے میں جاں بحق ہونے والوں کے لیے مغفرت اور زخمیوں کے لیے شفائے عاجل کی دعا بھی کی۔
 صدر مملکت ڈاکٹر حسن روحانی کے حکم کے مطابق وزیر داخلہ اور وزیر صحت کی سربراہی میں ایک اعلی سطحی ٹیم متاثرہ علاقوں کی صورتحال کا جائزہ لینے اور امدادی کاموں کو تیز کرنے کی غرض سے کرمانشاہ پہنچ گئی ہے۔