اعتماد سازی پر ایران کی تاکید
وزیرخارجہ جواد ظریف نے کہا ہے کہ اسلامی جمہوریہ ایران سمجھتا ہے کہ علاقائی بحران اور مسائل کو صرف بات چیت کے ذریعےہی حل کیا جاسکتاہے
ایران کے وزیرخارجہ جواد ظریف نے کہا کہ علاقے کے ملکوں کے درمیان اعتمادی سازی بیحد اہمیت کی حامل ہے ان کا کہنا تھا کہ اعتماد سازی کو سیاحت اور عدم جارحیت کے معاہدوں جیسی روش سے یقینی بنایا جاسکتا ہے - انہوں نے کہا کہ ایران نے گذشتہ تین سو برسوں میں کسی بھی ملک پر حملہ نہیں کیا ہے کہاکہ اسلامی جمہوریہ ایران علاقے کے تمام ملکوں منجملہ سعودی عرب کے ساتھ عدم جارحیت کا معاہدہ کرنے کے لئے تیار ہے- وزیرخارجہ جواد ظریف نے کہا کہ ایران علاقے کے دیگر ملکوں کے مقابلے میں ہتھیاروں پر سب سے کم پیسہ خرچ کرتا ہے - انہوں نے کہا کہ سعودی عرب ، چین اور علاقے کے دیگر ملکوں کے پاس ایسے میزائل ہیں جو ایرانی میزائلوں سے زیادہ طویل فاصلے تک مار کرسکتےہیں - ان کا کہنا تھا کہ علاقے کے بعض ملکوں کے پاس ایسے بھی میزائل ہیں جو ایٹمی وار ہیڈز لوڈ کرسکتے ہیں - انہوں نے واضح کیا کہ ایران نے کوئی بھی ایسا میزائل ڈیزائن نہیں کیا ہے جو ایٹمی وارہیڈ لے جاسکتا ہو کیونکہ اسلامی جمہوریہ ایران عام تباہی پھیلانے والے ہتھیاروں پر یقین نہیں رکھتا -
