SAHAR

اسلامی جمہوریہ ایران نے کابل میں دہشت گردانہ بم دھماکے کی مذمت کرتے ہوئے اس حملے میں جاں بحق ہونے والوں کے اہل خانہ، افغان حکومت اور عوام سے ہمدردی کا اظہار کیا ہے۔

وزارت خارجہ کے ترجمان بہرام قاسمی نے کہا ہے کہ اسلامی جمہوریہ ایران نے ہمیشہ ہرطرح کی  دہشت گردی  کی مذمت کی ہے اور ایران نے دہشت گردی کے خلاف جنگ کے لئے بارہا اپنے عزم کا اظہار بھی کیا ہے-

ایران کی وزارت خارجہ کے ترجمان نے کہا کہ علاقے کے ملکوں کا مخلصانہ تعاون ہی دہشت گردی کی لعنت کا مقابلہ کرنے کا واحد طریقہ ہے-

انہوں نے کہا کہ ایران کی حکومت اور عوام اس حملے میں جاں بحق ہونے والوں کے لواحقین اور افغان حکومت اور عوام کو تعزیت پیش کرتے ہیں-