ایران کے خلاف امریکی اقدامات ناکام
Jan ۲۹, ۲۰۱۸ ۱۰:۳۵ Asia/Tehran
ایران کا کہنا ہے کہ ایران و دیگر ممالک کے مابین اقتصادی امور میں تعاون جاری ہے۔
اسلامی جمہوریہ ایران کے نائب صدراسحاق جہانگیری نے ایران کے جنوبی صوبے شیراز میں امریکی حکومت کی ایران کے خلاف اقدامات اور من گھڑت الزامات کا حوالہ دیتے ہوئے کہا کہ امریکی اقدامات اب تک ناکام ہو چکے ہیں اور ہمیشہ ناکام رہیں گے۔
ایران کے نائب صدرنے کہا کہ اسلامی انقلاب کو ناکام بنانے کیلئے بڑی طاقتوں کی جانب سے مختلف قسم کی سازشیں کی گئیں لیکن ایرانی عوام کی 39 سال سے جاری استقامت و پائمردی نے انھیں ناکام بنا دیا۔ انہوں نے کہا کہ اسلامی جمہوریہ ایران اور غیر ملکی کمپنیوں کے درمیان اقتصادی، تجارتی اور صنعتی شعبوں میں مختلف معاہدے ہوئے ہیں۔
