SAHAR

سری لنکا کے صدر کے دورہ ایران کے موقع پر دونوں ملکوں کے سربراہوں کی موجودگی میں تعاون کی کئی دستاویزات پر دستخط کئے گئے۔

تہران میں ایران کے صدر ڈاکٹر حسن روحانی اور سری لنکا کے صدر میتھری پالا سیری سینا کی موجودگی میں دونوں ملکوں کی حکام کی جانب سے صحت، میڈیکل سائنس، میڈیسن، طبی آلات، لیبارٹری خدمات اور منشیات کے خلاف مہم میں تعاون کی دستاویزات پر دستخط کئے۔

اس موقع پر دونوں ملکوں کے درمیان فلمی صنعت اور علمی و ثقافتی تبادلے کی دستاویزات پر بھی دستخط کئے گئے۔

ان دستاویزات پر دستخط کے بعد ایران اور سری لنکا کے صدور نے ایک مشترکہ پریس کانفرنس سے بھی خطاب کیا۔

قابل ذکر ہے کہ سری لنکا کے صدر، اتوار کے روز ایران کے دورے پر تہران پہنچے جہاں صدر مملکت ڈاکٹر حسن روحانی نے ان کا استقبال کیا۔