ایران کے صدر کا دورہ نیویارک
Sep ۲۱, ۲۰۱۸ ۱۱:۰۱ Asia/Tehran
اسلامی جمہوریہ ایران کے صدر اتوار کو نیویارک کے دورے پر روانہ ہوں گے اور بدھ کے روز واپس وطن آجائیں گے۔
صدارتی دفتر کے شعبہ ذرائع ابلاغ عامہ کے سربراہ پرویز اسماعیلی نے کہا ہے کہ ایران کے صدر حسن روحانی اقوام متحدہ کی جنرل اسمبلی کی 83 ویں نشست میں شرکت کے لیے اتوار کے روز نیویارک کا دورہ کریں گے۔
انہوں نے کہا کہ صدر مملکت اس اجلاس میں تقریر کرنے کے علاوہ تازہ ترین علاقائی اور بین الاقوامی صورتحال پر ایران کے مواقف کی وضاحت کریں گے۔
اسماعیلی کا کہنا تھا کہ ایرانی صدر نیویارک میں اقوام متحدہ کے ہیڈکوارٹر میں اقوام متحدہ کے سیکرٹری جنرل، بین الاقوامی تنظیموں کے سربراہوں، نیویارک میں موجودہ میڈیا کے سینیئر صحافیوں اور امریکہ کی اسلامی کمیونٹی کے بعض رہنماؤں کے ساتھ ملاقات کریں گے۔
