دفاع مقدس کی سالگرہ، ایرانی مسلح افواج کی پریڈ
Sep ۲۲, ۲۰۱۸ ۱۰:۴۰ Asia/Tehran
عراق کی جانب سے ایران پر مسلط کی جانے والی آٹھ سالہ جنگ کی سالگرہ کی مناسبت سے اسلامی جمہوریہ ایران کی مسلح افواج نے آج صبح تہران میں شاندار پریڈ کا مظاہرہ کیا۔
ہفتہ دفاع مقدس کی 38 ویں سالگرہ کی مناسبت سے ایرانی مسلح افواج کی شاندار پریڈ تہران میں واقع بانی انقلاب اسلامی حضرت امام خمینی (رح) کے روضے کے سامنے منعقد ہوئی جس میں جدید سامان حرب سمیت ایران میں بنائی گئی دفاعی ٹیکنالوجی کی نمائش کے لئے پیش کیا گیا.
قابل ذکر ہے کہ آج بروز ہفتہ ایرانی دارالحکومت تہران سمیت ملک بھر میں دفاعی مقدس ہفتے کو قومی جوش و جذبے کے ساتھ منایا جارہا ہے.
مسلح افواج پڑید کی تقریب میں ایرانی آرمی کے سینیئر حکام خاص طور پر ایرانی مسلح افواج کے سربراہ ' جنرل محمد باقری اور ایرانی آرمی چیف میجر جنرل سید عبدالرحیم موسوی نےبھی شرکت کی۔
