اہواز حملے کے خلاف یوم سوگ
Sep ۲۳, ۲۰۱۸ ۱۰:۰۷ Asia/Tehran
ایران کے صوبے خوزستان کے مرکزی شہر اہواز کے گورنر غلام رضا شریعتی اور اس صوبے میں رہبر معظم انقلاب اسلامی کے نمائندے آیتالله سید محمدعلی موسوی جزایری نے ایک بیان میں اہواز دہشتگردانہ حملے کی مذمت کرتے ہوئے پیر 24 ستمبر کے روز عام سوگ کا اعلان کیا۔
اہواز کے گورنر غلام رضا شریعتی اور اس صوبے میں رہبر معظم انقلاب اسلامی کے نمائندے آیتالله سید محمدعلی موسوی جزایری نے اپنے بیان میں اہواز میں دہشت گردانہ حملے کے شہداء کے لواحقین کے ساتھ ہمدردی کا اظہار کرتے ہوئے ایک دن کے سوگ کا اعلان کیا ہے۔
واضح رہے کہ وہابی تکفیری دہشت گردوں نے کل اہواز میں فوجی پریڈ پر دہشت گردانہ حملہ کیا جس کے نتیجے میں 25 افراد شہید اور 60 زخمی ہوگئے ہیں۔ عالمی سطح پر دہشت گردانہ حملے کی مذمت کا سلسلہ جاری ہے۔
