SAHAR

ایران کے جنوبی شہر ماہشہر میں امام خمینی بندرگاہ کے قریب نامعلوم مسلح افراد نے پولیس کی گشتی گاڑی پر فائرنگ کرکے دو پولیس اہلکاروں کو شہید کردیا۔

ایران کے جنوبی صوبے خوزستان کے ڈپٹی پولیس سربراہ علی قاسم پور نے بتایا کہ ماہشہر میں امام خمینی بندرگاہ کے قریب نامعلوم مسلح افراد نے ہفتے کی صبح پولیس کی گشتی گاڑی پر اس وقت فائرنگ کردی جب وہ گشت پر تھی۔

اس حملے میں دو پولیس اہلکار شہید ہوگئے - صوبہ خوزستان کے ڈپٹی پولیس سربراہ نے بتایا کہ حملہ آوروں نے مشین گنوں سے پولیس کی گشتی گاڑی پر فائر کھول دیا۔

مذکورہ پولیس عہدیدار نے بتایا کہ اس حملے کے بارے میں مزید تفصیلات اور جزئیات کا اعلان بعد میں کیا جائے گا۔