ایران میں ہونے والی شدید بارشوں کے نتیجے میں آنے والے غیر متوقع اور تباہ کن سیلاب کے بعد امدادی کارروائیاں تیزی کے ساتھ جاری ہیں اور صورتحال کو کافی حد تک کنٹرول کر لیا گیا ہے۔

سول انتظامیہ کے ساتھ ساتھ سپاہ پاسداران انقلاب اسلامی، فوج اور عوامی رضاکار فورس بسیج کے جوان بھی تمام تر وسائل اور مشینوں کے ساتھ بحالی کے کاموں میں مصروف ہے۔

رہبر انقلاب اسلامی نے اپنے پیغام میں شیراز کے امام جمعہ کو ہدایت کی کہ وہ متاثرین کی مشکلات کو کم کرنے اور نقصانات کے ازالے کی غرض سے اپنے ساتھیوں کے ہمراہ متعلقہ حکام کے ساتھ تعاون اور ذمہ داریوں کی ادائیگی کے عمل میں مزید تیزی پیدا کرنے کی کوشش کریں۔