SAHAR

رہبر انقلاب اسلامی نے دفتر نے آل خلیفہ حکومت کے ہاتھوں دو بحرینی نوجوانوں کو پھانسی دے کر شہید کیے جانے پر رہبر انقلاب اسلامی آیت اللہ العظمی سید علی خامنہ ای کے عربی ٹوئیٹر پیج پر جاری کیے جانے والے ایک پوسٹر میں شدید ردعمل کا اظہار کیا گیا ہے۔ 

اس پوسٹر میں شہید کیے جانے والے بحرینی نوجوانوں کی تصاویر کے ساتھ عربی زبان میں رہبر انقلاب اسلامی کا یہ جملہ تحریر ہے کہ ظلم و جبر پائیدار نہیں رہے گا اور انصاف کی طلبگار قوموں کا عزم ہی کامیاب ہو گا۔

رہبر انقلاب اسلامی، اس سے پہلے بھی آل خلیفہ حکومت کے مجرمانہ اقدام کی مذمت میں سخت بیان دیتے رہے ہیں۔

بحرینی حکومت نے بے بنیاد الزامات عائد کر کے بحرین کے دو نوجوانوں منجملہ چوبیس سالہ احمد عیسی الملالی اور پچّیس سالہ علی محمد العرب کو سنیچر کے روز پھانسی دے کر شہید کر دیا تھا۔