زاہدان سے تہران جانے والی مسافر ٹرین حادثے کا شکار 5 جاں بحق
Sep ۲۶, ۲۰۱۹ ۰۸:۳۵ Asia/Tehran
ایران کے نائب صدر اسحاق جهانگیری نے حادثے کا شکار ہونے والوں کی فوری امداد دینےکا حکم دیا ہے۔
اسلامی جمہوریہ ایران کے سرحدی شہر زاہدان سے تہران جانے والی مسافر ٹرین کل شام شورو کے مقام پر پٹری پر ریت جمع ہونے کی وجہ سے حادثے کا شکار ہوئی جس کے نتیجے میں 5 افراد جاں بحق اور 100 سے زائد زخمی ہوئے۔ زخمی ہونے والے مسافروں کو علاج معالجے کے لئے زاہدان منتقل کر دیا گیا ہے۔
ایران کے نائب صدر اسحاق جهانگیری نے حادثے کا شکار ہونے والوں کی فوری امداد دینے کا حکم دیا ہے۔
ایران کے ریلوے شعبے نے حادثے کی تحقیقات کے لئے ایک ٹیم جائے حادثے پر روانہ کرنے کا اعلان کیا ہے۔
