پاکستان؛ سینیٹ میں اپوزیشن لیڈر کا پارلیمنٹ میں دھرنا ختم کرنے کا اعلان

Feb ۱۸, ۲۰۲۶ ۲۱:۲۲ Asia/Tehran

پاکستان میں سینیٹ میں اپوزیشن لیڈر علامہ راجہ ناصر عباس نے پارلیمنٹ میں دھرنا ختم کرنے کا اعلان کر دیا ہے

سحرنیوز/پاکستان: پاکستانی میڈیا کے مطابق اسلام آباد میں صحافیوں سے گفتگو کرتے ہوئے سینیٹ میں اپوزیشن لیڈر علامہ راجہ ناصر عباس نے کہا کہ ممبران اسمبلی نے بانی پی ٹی آئی کی صحت کو لے کر احتجاج کیا، ہم صحت کے معاملے کو عدالت لے کر گئے، ہمارا مطالبہ یہی تھا کہ ذاتی معالجین کو ملایا جائے۔ ان کا کہنا تھا کہ پارلیمنٹ کو جیل خانہ بنا دیا گیا تھا ہم پارلیمنٹ سے باہر جا رہے تھے لیکن راستے بند کر دیے گئے۔

ہمیں فالو کریں:

احتجاج کے بارے میں گفتگو کرتے ہوئے علامہ راجہ ناصر عباس نے کہا کہ ہم نے اسی لیے احتجاج کیا کہ ذاتی معالجین کو بانی تک رسائی دی جائے۔

انہوں نے بانی پی ٹی آئی کی آنکھوں کی بہتری کی امید ظاہر کرتے ہوئے مطالبہ کیا کہ انہیں شفاء انٹرنیشنل منتقل کیا جائے۔ علامہ راجہ ناصر عباس نے بانی پی ٹی آئی کے ساتھ ان کی بہنوں کی ملاقات کروائے جانےکا بھی مطالبہ کیا۔