SAHAR

کرمان میں شہید جنرل قاسم سلیمانی کی تشییع جنازہ میں سوگواروں کے غیر معمولی اژدہام کے باعث جلوس جنازہ میں شریک متعدد افراد جاں بحق جبکہ کئی دیگر زخمی ہوگئے ہیں

کرمان صوبے کے ہنگامی حالت کے ادارے کے سربراہ نے بتایا ہے کہ جاں بحق ہونے والوں میں زیادہ تر افراد سن رسیدہ ہیں۔

صوبہ کرمان کے ادارہ صحت کے شعبہ تعلقات عامہ نے بھی اس سانحے کی تصدیق کرتے ہوئے کہا ہے کہ سبھی زخمیوں کو اسپتال منتقل کردیا گیا ہے اور حادثے کے پہلوؤں اور وجوہات کا جائزہ لیا جارہا ہے-

کرمان کے ادارہ صحت کے شعبہ تعلقات عامہ نے کہا ہے کہ ابھی جاں بحق اور زخمی ہونے والوں کی صحیح تعداد کا علم نہیں ہوسکا ہے -