دشمن کو کسی بھی غلطی کی صورت میں بھاری نقصان اٹھانا پڑے گا: ایران کی مسلح افواج کے سربراہ

Feb ۲۵, ۲۰۲۶ ۰۸:۵۴ Asia/Tehran

مسلح افواج کے سربراہ میجر جنرل عبدالرحیم موسوی نے تہران میں آرمینیا کے وزیر دفاع سورین پاپیکیان سے گفتگو کرتے ہوئے کہا کہ امریکہ کے رویئے ہمیں اپنی حکمت عملی بدلنے پر مجبور کردیا ہے اور دشمن نے کوئی غلطی کی تو اس کو بھاری نقصان اٹھانا پڑے گا ۔

سحرنیوز/ایران: ارنا کے مطابق انہوں نے بیرونی طاقتوں کی موجودگی کو خطے کے عوام کے مفادات کے منافی اور علاقائی سلامتی کے لئے خطرہ قرار دیتے ہوئے کہا کہ دنیا یونی پولرازم سے ملٹی پولرازم کی جانب جارہی ہے جو امریکہ کو کسی طور برداشت نہیں۔

میجر جنرل عبدالرحیم موسوی نے کہا کہ دنیا میں یونی پولرازم کا خاتمہ ناگزیر ہے لیکن امریکہ ناجائز اور غیر قانونی ہتھکنڈوں کے ذریعے دنیا پر اپنی بالادستی اور تسلط باقی رکھنے کی ناکام کوشش کر رہا ہے۔

ہمیں فالو کریں:

ایران کی مسلح افواج کے سربراہ نے کہا کہ تاریخ گواہ ہے کہ ہم نے کبھی کوئی جنگ شروع نہیں اور ہماری کوشش رہی ہے کہ جنگ کا دائرہ پھیلنے سے روکا جائے لیکن امریکی رویئے نے ہمیں اپنی حکمت عملی بدلنے پر مجبور کردیا ہے۔

انہوں نے خبر دار کیا کہ اس بار اگر امریکہ نے کوئی غلطی کی تو ہم دشمن کو بھاری جانی نقصان سے دوچار کریں گے اور ہماری قوم اور مسلح افواج آخری دم تک تسلط پسندی کے خلاف جنگ کرتی رہے گی ۔