SAHAR

ایران کے وزیرخارجہ ڈاکٹر محمد جواد ظریف اور عراق کے وزیرخارجہ محمد علی الحکیم کے درمیان ہونے والی ملاقات میں سپاہ قدس کے کمانڈر جنرل قاسم سلیمانی اور عراق کی عوامی رضاکار فورس کے ڈپٹی کمانڈر ابومہدی المہندس کے قتل کے بارے میں جاری تحقیقات کے سلسلے میں دونوں ملکوں کے تعاون پر بات چیت ہوئی۔

علاوہ ازیں سیکورٹی مسائل او دہشت گردی کے خلاف جنگ جیسے دیگر موضوعات بھی اس ملاقات میں زیرِ غور آئے۔

ایرانی وزیر‍ خارجہ نے پولینڈ کے وزیر‍ خارجہ سے ملاقات میں مختلف موضوعات منجملہ ایٹمی معاہدے اور ایٹمی معاہدے پر یورپی ملکوں کی طرف سے عملدرآمد نہ ہونے نیزعلاقائی سیکورٹی جیسے معاملات پر بات چیت کی۔

ایران کے وزیر خارجہ نے جرمنی اور اٹلی کے وزرائے خارجہ سے بھی ملاقات کی۔

وزیرخارجہ ڈاکٹر ظریف نے ان ملاقاتوں کے بعد اپنے ٹویٹر پیج پر لکھا کہ یہ ملاقاتیں خطے میں امن کی تقویت اور کشیدگی کو ختم کرنے کے تناظر میں انجام پائی ہیں۔